Description
“Rukuhia te mātauranga, ki tōna hōhonutanga, ki tōna whānuitanga, ki tōna tiketiketanga”
Tēna koutou e te whānau
Tēnei ka mihi ake ki a koutou ka pānui, ka karakia, ka himene, ka mōteatea, ka haka nei i wēnei waiata, haka, karakia hoki hai whakaoho i te wairua o ngā mātua tūpuna o tēnei rohe o te waka o Mataatua.
Ka tangi te ngākau kia rātau mā kua wehe atu ki te pō, haere, haere atu rā. Mā roto mai i wēnei taonga tuku iho ka oho mai anō rātau ki waenganui i a tātau.
Anei te karakia whakatau mō te tipuna nei a Wairaka.
Nō reira,
Piki mai kake mai rā
Homai te waiora ki au
E tū tēhu ana i te pō, pō Wairaka i ora ai e
Papaki tū ana ngā tai ki Te Reinga
Ka pō, ka ao, ka Awatea